हई देखा ना --डॉ एम डी सिंह
- एबी न्यूज, संवाददाता
- Aug 12, 2022
- 403 views
फिन बदलि के नवा ठेकान हई देखा ना
फिन फलनवा भइल परधान हई देखा ना
अस ऊ भयवा गहि के मरलस दावं बांकुड़ी
फिन ठहि भइलैं सगर उतान हई देखा ना
सभ अपना ठीहा के रहलैं जबर जुआरी
फिन से कटलस सभकर कान हई देखा ना
लग्गत हउवै की जानेला ऊ जादू मंतर
फिन बिरोधिआ भइल मितान हई देखा ना
अबले जेकरा मुहे पसरल रहलि अन्हरिया
फिन से उहां उगल बा चान हईं देखा ना
चलु भाय हमनो खेलल जाव ओल्हा पाती
फिन बुझलस हम्मन के नदान हई देखा ना
रिपोर्टर