भिवंडी।। भिवंडी तालुक्यातील ग्रुप ग्रामपंचायत  कुकसे सरपंच पदी श्रीमती कमला‌ जनार्दन पाटील यांची बिनविरोध निवड करण्यात आली.पळवपळवीचे राजकारण न करता अतिशय खेळीमेळीच्या वातावरणामध्ये ही निवडणुक पार पडली.ग्रुप ग्रामपंचायत कुकसे राजकीय दृष्ट्या महत्वाची मानली जाते तसेच सधन ग्रामपंचायत म्हणून ओळखली जाते. सदस्यांत ठरलेल्या समझोता प्रमाणे तत्कालीन सरपंच भरत पाटील यांचा कालावधी संपुष्टात आल्याने त्यांनी राजीनामा दिला होता.त्यामुळे सरपंच  पद रिक्त होते. या पदासाठी झालेल्या निवडणुकीत सरपंच पदासाठी कमला पाटील यांचा एकमेव अर्ज प्राप्त झाल्याने त्यांची सरपंच पदी निवड झाल्याची घोषणा अध्यासी अधिकारी आर.बी.भोसले यांच्याकडून करण्यात आली. या बिनविरोध निवडणुकीत मावळते सरपंच भरत पाटील,उपसरपंच निलम भोईर,सदस्य चित्रा माळी,योगिता पारधी,संगिता माने,तुकाराम फिरंगणे,मनोहर भोईर,निलेश देसले यांनी सहभाग नोंदवला.ग्रामपंचायतीच्या अखत्यारित येणाऱी विकास कामे दलित व आदिवासी वस्तीतील प्रलंबित कामे, गावातील रस्ते, पाणी योजना, स्वच्छता ही कामे अग्रक्रमाने हाती घेऊन स्वच्छ गांव सुंदर गांव करण्यासाठी ग्रामपंचायत कमिटी कटीबध्द असुन भविष्यात अनेक विकास कामे राबवणार असल्याची माहिती नवनिर्वाचित सरपंच कमला पाटील यांनी मनोगत व्यक्त केले.शिवसेनेचे विभाग प्रमुख रघुनाथ पाटील यांनी अनेक वर्षापासुन लोकांची समस्या सोडवण्याचा काम चोख पध्दतीने पार पाडल्याने गावातील ग्रामस्थांनी समाधान व्यक्त केले असुन रघुनाथ पाटील यांच्या घरात सरपंच पद मिळाल्याने त्यांनी सर्व ग्रामस्थांचे आभार मानले असुन सरपंच पदाचे श्रेय संपुर्ण ग्रामस्थांबरोबर ग्रामपंचायत कमिटीला देखील दिले आहे.यावेळी तालुका प्रमुख विश्वास थळे,भिवंडी पुर्वचे मा.आमदार रुपेश म्हात्रे,समाज कल्याण न्यास अध्यक्ष सोन्या पाटील,सभापती‌ रवि पाटील, उपसरपंच योगेश पाटील,कुरुंद सदस्य भाई पाटील,शिवसेना सचिव राजेंद्र काबाडी,दिपक पाटील,जय भगत,उपतालुका प्रमुख अँड. शशिकांत गोतारणे,शिवसेनेचे कृष्णा वाकडे,मा.सरपंच श्याम पारधी,दिलीप धर्मा पाटील,पं.स.सदस्य एकनाथ पाटील,मा.सभापती विकास भोईर,ग्रामसेवक राजेश सालवे,पडघा ग्रा.पं.सदस्य रवि विशे इत्यादी मान्यवरांनी उपस्थित राहुन नवनिर्वाचित सरपंच कमला पाटील यांचे अभिनंदन करुन पुढच्या वाटचालीस शुभेच्छा दिल्या।